وضع ايكونة لمدونتك

كل المواقع الشهيرة لها ايكونة مميزة ليها

B مثلا موقع البلوجر ليه ايكونة برتقالى فيها حرف

مدونتك ممكن يكونلها ايكونة زى دى

الطريقة

اولا : جهز ايكونتك ... ازاى ؟

يا اما تجيب ايكونة جاهزة يا اما تحول اى صورة لايكونة باستخدام برنامج Picture To icon

المهم ان الايكونة تكون بصيغة .ico ويكون مساحتها 16 فى 16 بيكسل او 32 فى 32 بيكسل وده الافضل

بعد ماتجهز ايكونتك ارفعها على Google Page Creator زى ماشرحنا قبل كده (انظر موضوع وضع خلفيه لرأس المدونة ) او ارفعها على موقع رفع صور او سيرفر خاص بيك براحتك

اذهب للوحة التحكم بالمدونة

dashboard > layout > template > EdutHTML

فى صندوق الاكواد هاتلاقى قطعة الكود دى فوق خالص

<title><data:blog.pagetitle/></title>

تحت هذا الكود انسخ الكود التالى

<link href="'URL" rel="'shortcut" type="'image/vnd.microsoft.icon'/">

واستبدل الجملة URL of your icon file بالكود ( اللينك ) بتاع الايكونة بتاعتك

ملحوظة : ممكن تستخدم الامتداد .png او .gif بدلا من .ico

وفى الحالة دى هايكون الكود المضاف

<link href="'URL" rel="'shortcut" type="'image/png'/">

فى حالة .png

<p align="left"><link href="'URL" rel="'shortcut" type="'image/gif'/"></p>

فى حالة .gif

بعد ماتخلص احفظ التمبلت وجرب

طريقة وضع صندوق نصى متحرك

طريقة وضع صندوق نصى متحرك

عن طريق استخدام كود marquee

مش هادخل فى تفاصيل عن الكود ده
انا هادى امثلة علطول
هاتلاقى الكود وبعد كده منظر الكود عند تشغيله
الحكاية دى تقدر تعملها سواء فى الاطار الجانبى للمدونة او فى التدوينة نفسها او حتى فى راس المدونة
هاتدخل على
dashboard > layout > template > page elements

اختار add page element فى المكان اللى انتا عايز تضيف فيه الصندوق سواء الاطار الجانبى او راس او ذيل المدونة

من القايمة اللى هاتطلع اختار text

ضع عنوان للصندوق

ضع الكود فى المكان المناسب

احفظ

دى بعض الاكواد الجاهزة اختار منها اللى يناسبك

الامثلة فيها نصوص للتوضيح فقط

غير النص الموجود وحط النص اللى يعجبك قبل ماتنسخ الكود بالكامل وتشغله


<marquee scrolldelay="200" width="400px" height="25px" bgcolor="#ffffcc">النص يتحرك افتراضيا من اليمين لليسار.</marquee>



النص يتحرك افتراضيا من اليمين لليسار.







ده الاتجاه الافتراضى من اليمين للشمال
ملاحظات :
ممكن تغير لون خلفية الصندوق bgcolor="#ffffcc">
ممكن تغير سرعة تحرك النص scrolldelay="200"
ممكن تغير طول الصندوق height="25px"
ممكن تغير عرض الصندوق width="400px"


ــــــــــــــــــــــــــــــــــــــــــــــــــــــــــــــــــــــــــــــــــــــــــــ


<marquee behavior="alternate" width="400px" scrolldelay="200" height="25px" bgcolor="#ffffcc">النص يرجع فى الاتجاه المعاكس.</marquee>



النص يرجع فى الاتجاه المعاكس.






ده نفس الكلام الفرق ان النص هايرجع يتحرك فى الاتجاه المعاكس
والسر فى behavior="alternate"
طبعا ممكن تغير المقاسات وسرعة النص ولون الخلفيه برضو


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



<marquee scrolldelay="150" direction="up" width="200px" height="300px" bgcolor="#ffffcc">فى هذا المثال يتحرك النص من اسفل الى اعلى.</marquee>


فى هذا المثال يتحرك النص من اسفل الى اعلى.




هنا النص بيتحرك من تحت لفوق
ممكن تغير الاتجاه direction="up"
وممكن تغير لون الخلفيه والمقاسات والذى منه


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

<marquee hspace="50%" direction="down" scrolldelay="50" height="300px" bgcolor="#ffffcc">فى هذا المثال يتحرك النص من اعلى الى اسفل.</marquee>

فى هذا المثال يتحرك النص من اعلى الى اسفل.

هنا النص بيتحرك من فوق لتحت

لاحظ الفرق فى سرعة تحرك النص

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

<marquee hspace="50%" onmouseover="this.stop()" onmouseout="this.start()" direction="down" scrolldelay="30" height="300px" width="200px" bgcolor="#ffffcc">النص يتحرك من اعلى الى اسفل .. ويقف تحرك النص عند مرور الماوس عليه وهذا اهم مثال.</marquee>


النص يتحرك من اعلى الى اسفل .. ويقف تحرك النص عند مرور الماوس عليه وهذا اهم مثال.


ده اهم مثال لان النص بيقف لما الماوس يؤشر عليه

والسر فى الوسمين دول

onmouseover="this.stop()" onmouseout="this.start()"

لو حطيتهم فى اى كود من الاربعة اللى فوق فى المكان المناسب هايشتغلوا بنفس الطريقة

وضع خلفيه شخصيه لرأس المدونة

وضع خلفيه شخصيه لرأس المدونة

background for blog header

اولا وقبل بدأ الشرح فى الموضوع لازم يكون عندنا سيرفر شخصى نرفع عليه ملفاتنا الشخصية زى الصور او الفيديو وغيرها

طيب ازاى نشترك ؟

فى الحقيقة فيه كذا موقع بقدم مساحات مجانا لكن لحسن الحظ ان جووجل العملاق فيه الخدمة دى وهايمنحنا 100 ميجا نستخدمهم فى رفع الملفات

طيب ... عايز تشترك ؟

طبعا انتا معاك حساب فى جوجل هاتدخل http://www.pages.google.com/

وهاتنشأ حساب باسمك ويكونلك 100 ميجا مجانا عشان نرفع عليها الملفات اللى هانستخدمها فيما بعدبعد ماتنشأ الحساب ده هاتلاقى زرار على اليمين ubload

دوس عليه هايطلع زرار brows

اختار الملف اللى هاترفعه وشكرا

طيب .. نخش بقا فى موضوعنا وهو ازاى نعمل صورة خلفية لرأس المدونة

اولا : تجهز الصورة من خلال اى برنامج تحرير صور زى الفوتو شوب او اى برنامج تانى

ثانيا : تظبط مقاس الصورة تخليه 660 بيكسل عرض وحوالى 150 بيكسل طول والمقاسات دى قابلة للتغيير ويمكنك تعديل المقاسات باستخدام هذا البرنامج واللى بيسمحلك كمان انك تغير بين امتدادات الصور

من هنا

جهزت الصورة اللى انتا عايزها ؟

ظبطت المقاس بتاعها ؟

تمام الله ينور عليك نخش عالخطوة التانية

نفتح لوحة التحكم فى المدونة dashboard

layout>template>edit HTML

هانلاقى صندوق الاكواد

دور من فوق ونتا نازل هاتلاقى قطعة الكود دى

#header-wrapper { width:660px; margin:0 auto 10px; border:1px solid $bordercolor;

تحت السطور دى بالظبط اضف هذا السطر

background-image: url(URL address of your image);

شيل الحروف باللون الاحمر وحط مكانها لينك الصورة اللى انتا رفعتها على جوجل او اى صورة على الويب

طريقة تانية

dashboard ادخل لوحة التحكم

layout > template > Page Elements

دوس edit اللى فى جزء رأس المدونة

بعد ماتختار هاتظهرلك دى

الاختيار الاول سيجعل الصورة فى الخلفيه وراء التعليق او اى كلام فى رأس المدونة

والاختيار التانى هايخلى الصورة تغطى اى كلام

اختار واحفظ

البداية + استيراد قالب جاهز

التدوين

ان تكون لك نافذه خاصة تستقبل فيها زائريك
ان تكون لك مرآة على تلك الشبكة يستطيع العابر امامها ان يراك من خلال كلماتك ربما اصدق مما لو رأى وجهك

المهم مطولش عليكم ندخل فى الموضوع علطول

ليه نختار ( بلوجر ) بالذات ؟

عشان مميزات كتير اوى اولها ان ليك مساحة 1 جيجا تقدر تستخدمها فى رفع ملفات فيديو او صور او صوت خاصه بيك

كفاية انك مع جوجل ... مش كده ولا ايه ؟

نخش فى الموضوع

عايز تنشأ مدونة ؟
طيب عندك مدونة بس مش فاضيلها ؟
طيب عندك مدونة مش عارف تخلى شكلها حلو او تضيف اللى انت عايزه فيها ؟
طيب عندك مدونة بس حاسسن انها تقليدية ؟
طيب عندك مدونة بس محدش يعرف عنها حاجه او محدش بيزورها اساسا زى مدونتى كده ؟
طيب عايز تعمل مدونة احترافيه ؟

طبعا مش هاتلاقى حد يقولك الكلام ده بالعربى للاسف
ففكرت انقل المواضيع دى من المواقع الاجنبى بطريقة سهلة وسامحونى اذا كنت هاتكلم بالعامية لانها الاسهل
واهى فرصه الواحد فاضى قبل الدراسة ماتشد

طيب ... انا هافترض انك معندكش مدونة لسه ... هابعتك بسرعة تشوف البلوج ده
فيه هاتلاقى شرح بدائيات التدوين
روح شوفها وتعالا بسرعة ولو انه كلام معروف للغالبية بس برضو هاينفع

اول ماتخلص هناك تعالالى علطول عشان نبدأ الخطوات الاحترافية .. ادخل المدونة دى




اما لو كان عندك مدونة وبتعرف تتصرف وتحط صور وفيديو والكلام ده خليك هنا هاقولك حاجات جديدة اوى

فهرس المواضيع اللى هانشرحها

ازاى تحط قالب جديد جاهز غير القوالب العقيمة بتاعت البلوجر

ازاى تعدل فى القالب ده وتضفى عليه من شخصيتك

ازاى تعمل ايكونة للبلوج بتاعك زى الايكونة اللى بتظهر جنب الادريس بار فى المواقع الكبيرة ... شايف الايكونة بتاعة علاء الدين اللى انا عاملها ؟

ازاى تعمل playlist لتشغيل ملفات الصوت اللى انتا عايزها ؟

ازاى تحط صوت فى الخلفيه يبدأ مع دخول الصفحة

ازاى تخلى الاطار الجانبى يكون فيه مسطرة فى حالة اذا كانت القطع طولها او عرضها اكبر من المحدد ليها

ازاى تنشر مدونت كعلى محركات البحث

ازاى تحط ( بانر ) متحرك

ازاى تحط صورة خلفية للبلوج

عايز تعمل رسالة تنبيه او ترحيب تقابل اللى داخل المدونة؟ اوكى

عايز تخفى شريط البلوجر اللى فوق خالص ده؟ حاضر

عايز تكسب فلوس من التدوين ؟ من عنيا

حاجات كتير بس نخلص دول ان شاء الله الاول
وارجو المتابعة والاستفسار


اولا ... ازاى تجيب قالب جاهز وتشغله

ملاحظات :

1:قبل كل شئ روح المدونة بتاعتك واعمل backup للقالب القديم بتاعك قبل مانغيره

من لوحة التحكم اختار layout >Edit HTML>download full template

واحفظه على اى مكان فى الهارد احتياطى ومحدش عارف الظروف صح ؟


2:اذا كنت شايف ان القوالب اللى هنا مش كفاية ممكن تدور على جوجل اكتب ( bloge templates)


3:القوالب هاتكون بصيغة txt او xml

انا هاضع هنا 10 قوالب من افضل ما رأيت وان شاء الله هابقا احط غيرها ولو عايز ابحث فى جوجل




lonly




حمل من هنا

chocolate




حمل من هنا

flowers

حمل من هنا


kids

حمل من هنا



the beach



حمل من هنا

rounders 3




حمل من هنا


andreas 02



حمل من هنا

parchment



حمل من هنا



K2



حمل من هنا


thisaway

حمل من هنا

هاتلاقى المفات مضغوطة-

فك الضغط هايطلعلك ملف تكست

اعمل كوبى لكل محتواه

روح لوحة التحكم فى البلوج بتاعك

layout>EditHTML

اعمل backup للقالب القديم زى ماقولنا ضرورى جدااااااااا

القالب القديم هايتحفظ بصيغ ( xml )

شايف صندوق اكواد الهوتميل للقالب القديم ؟ علم على كل الاكواد وامسحه

ا

اعمل ( لصق ) لكود القالب الجديد

لا تضغط

SAVE TEMPLATE

وانما هانضغط preview

عشان نشوف منظر القالب ولو عجبنا نسيفه

هاتفح صفحة توريك منظر القالب الجديد اتاكد ان كله تمام

ملاحظات مهمة جدا :
1-اذا كنت من مستخدمى البلوج من زمان وانك عملت قطع فى الاطار الجانبى للمدونة لما تيجى تحفظ القالب الجديد هايقولك ان بعض القطع معرضة للحذف وده بسبب ان القالب الجديد قالب نظيف ليس به قطع سوى القطع الافتراضية وهى البروفايل والارشيف
- خلى بالك المواضيع نفسها هاتقضل زى ماهى انا بتكلم عن القطع اللى فى الاطار الجانبى خلى بالك- الحل الاسهل انك تحفظ الصفحة الرئيسية لمدونتك القديمة وبعد ما تشغل القالب الجديد تنقل اللينكات اللى اتحذفت من اول وجديد فى القالب الجديد

2- فى حال ان القالب مش عاجبك او مش شغال كويس ببساطة متحفظش حاجه وكله هايرجع زى الاول

3- لو فيه اى استفسار قولى وان شاء الله اجاوبك
4-دى اول خطوة وان شاء الله بكرة اكمل بس ياريت تقولولى اذا كان الموضوع كويس عشان احس انى بعمل حاجه مفيده

هاقول بكرة ازاى تعدل على القالب وتحط صورك الشخصة وتضفى عليه ملامحك تابعونا رجاءأ

ومبروك .. دى اول خطوة نحو التميز